Friday, January 21, 2022

CM KCR : బండి సంజయ్ వ్యాఖ్యలకు కేసీఆర్ స్ట్రాంగ్ వార్నింగ్! | CM KCR Strong Counter on Bandi Sanjay Comments


CM KCR : బండి సంజయ్ వ్యాఖ్యలకు సీఎం కేసీఆర్ స్ట్రాంగ్ కౌంటర్ ఇచ్చారు. వరి పంట అంశంపై బండి సంజయ్ వ్యాఖ్యలను ప్రజలు అర్థం చేసుకోవాలన్నారు. బండి సంజయ్ సొల్లు పురాణం చెప్పారని విమర్శించారు. ప్రజల పక్షాన ప్రశ్నిస్తే దేశ ద్రోహులా? అని ప్రశ్నించారు. ఉన్నది ఉన్నట్టు కుండబద్ధలు కొడితే దేశ ద్రోహులైపోతారు? దేశం దురాక్రమణకు గురికాకుండా చూడాలంటే నేను దేశ ద్రోహినా? నేను చైనాలో డబ్బు దాచుకుంటానా? పోయిపోయి చైనాలో డబ్బు దాచుకుంటారా? అని కేసీఆర్ ప్రశ్నించారు. అబద్ధాలతో బతికే పార్టీ బీజేపీ అని కేసీఆర్ ధ్వజమెత్తారు. తెలంగాణలో పండించే ధాన్యాన్ని కేంద్రం కొంటదా? కొనదా? చెప్పాలని కేసీఆర్ డిమాండ్ చేశారు.

కేంద్రం సమాధానం చెప్పేవరకు వదిలిపెట్టమని అన్నారు. యాసంగిలో వడ్లు వేయండి.. మెడలు వంచి కొనిస్తామని అన్నారా లేదా? ప్రశ్నించారు. రాయలసీమకు నీళ్లు కావాలని ఇప్పటికీ చెబుతున్నానని కేసీఆర్ స్పష్టంచేశారు. గోదావరి నుంచి నీళ్లు తెచ్చుకోవాలని ఏపీకి సూచించామని, కృష్ణా నదిలో నీళ్లు లేవు.. గోదావరి నుంచి తెచ్చుకోవాలని చెప్పామని కేసీఆర్ గుర్తు చేశారు. రెండు రాష్ట్రాల నీటి అవసరాలు తీరాక ఇతర ప్రాంతాలకు తీసుకెళ్లొచ్చని చెప్పానని అన్నారు. నేను అడిగిందేంటి?.. నువ్వు చెప్పిందేంటి? నువ్వు వరి పండించాలని బాధ్యతారాహిత్యంగా చెప్పిన మాట నిజం కాదా? 62 లక్షల ఎకరాల్లో వరి పండుస్తున్నాయో, లేదో చూపిస్తాని  అన్నారు. అవసరమైతే 6 హెలికాప్టర్లు పెడతా.. రా అని కేసీఆర్ వ్యాఖ్యానించారు. కేంద్రం నుంచి పడాల్సినవి పడటంతో వడ్ల విషయంలో సైలంట్ అయ్యావని విమర్శించారు. ఇకపై ప్రతిరోజు ప్రెస్ మీట్ పెడతానని అన్నారు.

నవ్విపోదురు గాక.. నాకేంటి సిగ్గు అన్నట్లు సంజయ్ వ్యవహారముందని కేసీఆర్ ఎద్దేవా చేశారు. కర్నాటకలో ప్రభుత్వాన్ని కూలగొట్టి.. దొడ్డిదారిన అధికారంలోకి వచ్చారని, మధ్యప్రదేశ్ లోనూ దొడ్డిదారిన అధికారంలోకి వచ్చారని కేసీఆర్ విమర్శలు గుప్పించారు. ఇది ప్రజాస్వామికం కాదా? దీన్ని ప్రశ్నిస్తే తప్పా? తెలంగాణలో 107 స్థానాల్లో బీజేపీ డిపాజిట్లు కోల్పోయిందన్నారు. మీకు లొంగి.. మీరు చెప్పింది వింటే వాళ్లు మంచోళ్లు, దేశభక్తులా? అని అన్నారు. మా హద్దులు మాకు తెలుసు.. నేనేమన్నా హద్దుమీరి మాట్లాడానా? అని సూటిగా ప్రశ్నించారు.
Read Also : TDP Protest on Petrol Rates : టీడీపీ ఆధ్వర్యంలో రేపు పెట్రోల్ బంకుల వద్ద ధర్నా

మీ విధానాల్ని ప్రశ్నిస్తే వాళ్లు దేశద్రోహులుగా ముద్రవేస్తారా? అని కేసీఆర్ మండిపడ్డారు. ప్రశ్నించేవాళ్లపై ఐటీ, ఈడీ దాడులు చేయించడమే మీ స్టైల్.. అని విమర్శించారు. మీ పిట్ట బెదిరింపులకు భయపడేవాళ్లు ఎవరూ లేరన్నారు. మా హద్దులు మాకు తెలుసు.. నేనేమన్నా హద్దుమీరి మాట్లాడానా? దళితుడ్ని ముఖ్యమంత్రి చేయకపోయినా.. మళ్లీ ఎన్నికల్లో గెలిచామన్నారు. దళితుడ్ని ముఖ్యమంత్రి చేయకపోవడానికి కారణాలున్నాయని చెప్పారు. రాష్ట్రంలో మీరు ఒక్క జిల్లా పరిషత్ అయినా గెలిచారా? అని ప్రశ్నించారు. తర్వాతి ఎన్నికల్లో నా నిర్ణయానికి తెలంగాణ ప్రజలు ఆమోదం తెలిపారని కేసీఆర్ గుర్తు చేశారు. రాష్ట్రంలో మీరు ఒక్క జిల్లా పరిషత్ అయినా గెలిచారా? మతపరమైన విద్వేషాలు రెచ్చగొట్టి ఆ మాత్రం గెలిచారు.. జీహెచ్ఎంసీ ఎన్నికల్లో మాకన్నా ఎక్కువ గెలిచారా? తెలంగాణ కోసం ఎన్నోసార్లు రాజీనామా చేసి.. మళ్లీ గెలిచానని కేసీఆర్ అన్నారు. దేశంలో ఏ ఒక్క జాతికైనా మీరు న్యాయం చేశారా? అని ప్రశ్నించారు. మీలాగా గోల్ మాల్ మాటలు మాట్లాడమని చెప్పారు.

సీఎం కేసీఆర్ ప్రెస్‌మీట్ హైలెట్స్ :

జోనల్ చట్టానికి ఆమోదం తెలపడానికి ఆరేడు నెలలు తీసుకున్నారు

తాజా అంచనాల ప్రకారం.. 60-70వేల ఉద్యోగ ఖాళీలున్నాయి

కేంద్ర ప్రభుత్వం ఏడాదికి కోటి ఉద్యోగాలు పీకేస్తోంది.

నిరుద్యోగిత తక్కువున్న రాష్ట్రం తెలంగాణ

తెలంగాణకు కేసీఆర్ ఏం చేశాడనే ప్రశ్న జోక్ఆఫ్ ది మిలీనియం

నేను ఏం చేశానో మీ మంత్రులే పార్లమెంటులో చెప్పారు

రాజీనామాలకు, పదవులకు మేం భయపడతామా?

చిత్తు కాగితాల్లా రాజీనామాలు విసిరికొట్టాం

కరోనా వస్తే ప్రైవేటు పాఠశాల సిబ్బందిని ఆదుకున్న ఒకే ఒక్క రాష్ట్రం తెలంగాణ

మీరు వలస కూలీల్ని వాళ్ల ఖర్మకు వదిలిపెట్టారు

మేం ప్రత్యేక రైళ్లు ఏర్పాటు చేసి స్వస్థలాలకు పంపించాం

పెట్రోల్, డీజిల్ పై సెస్ విత్ డ్రా చేసుకుంటారా? లేదా?
మీ పాలసీ ఏంటో చెప్పండి.
మేం వ్యాట్ పెంచామని అబద్ధం చెప్తున్నారు
మేం వ్యాట్ పెంచలేదు.. క్రమబద్ధీకరించాం
పెంచిన పెట్రోల్ పన్నుల్లో రాష్ట్రాలకు వాటా ఇవ్వలేదు
కరోనా సమయంలో రాష్ట్రాల్ని ఆదుకోవాలని కోరినా.. మీరు మందుకు రాలేదు.
మా ప్రాణాలున్నంత వరకు తెలంగాణ కోసం.. తెలంగాణ ప్రయోజనాల కోసం కొట్లడతాం
దేశ ఖజానాలో మా వాటా ఉంది.
దేశ ఖజానా మీ అయ్య సొత్తు కాదు.
మీకు దొంగలు భయపడతారు.. మేం ఎందుకు భయపడతాం..?
కేసీఆర్ ఫాంహౌస్ దున్నడానికి నువ్వు ట్రాక్టర్ డ్రైవర్ వా?
మాకు మనీ లాండరింగ్ లు.. కంపెనీలు.. దందాలు లేవు
మీరు మమ్మల్ని మేం చేయలేరు.
సూట్ కేసులు ఇచ్చేది మీరు నేను కాదు..
ఎన్నికల్లో అతి ఎక్కువ డబ్బు ఖర్చు పెట్టేది బీజేపీనే
ఇకపై మేం ఫక్తు రాజకీయ పార్టీగా ఉంటామని 2014లోనే చెప్పా
ఇతర పార్టీల నుంచి మా పార్టీలోకి చేర్చుకుంటాం
యోగ్యత ఉన్నవారికి మంత్రి పదవులు ఇస్తాం
కేబినెట్ లో ఉద్యమకారులే ఉంటారా?
ఉద్యమకారులకు కూడా కొన్ని పదవులు దక్కుతాయి
కాంగ్రెస్ నుంచి వచ్చిన జ్యోతిరాదిత్య సింధియాకు మంత్రి పదవి ఎందుకిచ్చారు?
తెలంగాణలో పండిన వడ్లను కొనేదాకా వదిలిపెట్టం
నా ఫాంహౌస్ లోకి అడుగుపెడితే ఆరు ముక్కలు అవుతావు
నాది ఫార్మర్ హౌస్.. మీలాగా గెస్ట్ హౌస్ కాదు..

The post CM KCR : బండి సంజయ్ వ్యాఖ్యలకు కేసీఆర్ స్ట్రాంగ్ వార్నింగ్! appeared first on 10TV.

Related Articles

Ravi Teja Mother : రవితేజ తల్లిపై కేసు నమోదు

ప్రధానాంశాలు:సినిమాలతో రవితేజ బిజీవార్తల్లో రవితేజ తల్లిఅక్రమంగా నిర్మాణపై కేసుసినిమాలతో తప్పా వ్యక్తిగత విషయాలతో రవితేజ ఎప్పుడూ వార్తల్లో ఉండరు. ఆయన ఫ్యామిలీ కూడా ఎక్కువగా బయటి ప్రపంచానికి కనిపించదు. ఆ మధ్య...

తమిళనాడులో సంపూర్ణ లాక్‌డౌన్.. శనివారం రాత్రి నుంచే అమలు

కోవిడ్ వైరస్ కట్టడిలో భాగంగా ఆదివారం పూర్తి స్థాయి అమలు చేయనున్నట్టు ప్రభుత్వం వెల్లడించింది. లాక్‌డౌన్ శనివారం రాత్రి 10 గంటలకు ప్రారంభమై సోమవారం ఉదయం 5 గంటల...

Shyam Singha Roy: Nani’s Shyam Singha Roy is Now Streaming on Netflix

Shyam Singha Roy: Nani’s Shyam Singha Roy is Now Streaming on Netflix. Most Awaited the movie of the months from Nani is now...

Latest Articles

Ravi Teja Mother : రవితేజ తల్లిపై కేసు నమోదు

ప్రధానాంశాలు:సినిమాలతో రవితేజ బిజీవార్తల్లో రవితేజ తల్లిఅక్రమంగా నిర్మాణపై కేసుసినిమాలతో తప్పా వ్యక్తిగత విషయాలతో రవితేజ ఎప్పుడూ వార్తల్లో ఉండరు. ఆయన ఫ్యామిలీ కూడా ఎక్కువగా బయటి ప్రపంచానికి కనిపించదు. ఆ మధ్య...

తమిళనాడులో సంపూర్ణ లాక్‌డౌన్.. శనివారం రాత్రి నుంచే అమలు

కోవిడ్ వైరస్ కట్టడిలో భాగంగా ఆదివారం పూర్తి స్థాయి అమలు చేయనున్నట్టు ప్రభుత్వం వెల్లడించింది. లాక్‌డౌన్ శనివారం రాత్రి 10 గంటలకు ప్రారంభమై సోమవారం ఉదయం 5 గంటల...

Shyam Singha Roy: Nani’s Shyam Singha Roy is Now Streaming on Netflix

Shyam Singha Roy: Nani’s Shyam Singha Roy is Now Streaming on Netflix. Most Awaited the movie of the months from Nani is now...

‘ఆర్ఆర్ఆర్’ కొత్త రిలీజ్ డేట్… రెండిటిలో ఏదో ఒక రోజున!

యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా దర్శక ధీరుడు రాజమౌళి దర్శకత్వంలో భారీ బ‌డ్జెట్‌తో డీవీవీ దానయ్య నిర్మించిన...

రాణించిన రాహుల్, పంత్.. చివర్లో శార్దూల్ షో.. దక్షిణాఫ్రికా టార్గెట్ ఎంతంటే?

దక్షిణాఫ్రికాతో జరుగుతున్న రెండో వన్డేలో టీమిండియా 50 ఓవర్లలో ఆరు వికెట్ల నష్టానికి 287 పరుగులు చేసింది. రిషబ్ పంత్ (85: 71 బంతుల్లో,...